مع تغيير الفصول بيبدأ معاه تساقط الشعر، وبما ان مفيش حاجة مرعبة أكثر من خصلات الشعر اللي بنلاقيها بعد التسريح او الاستحمام، جمعنا ليكوا أحسن نصائح لزيادة كثافة الشعر!
6 نصائح وطرق لزيادة كثافة الشعر:
-
تجنب استخدام الحرارة للشعر
الحرارة بتسبب تقصف الشعر وبتحرق نهاياته وده بيؤدي الي التساقط وبيخلي الشعر يفقد لمعانه عشان كده لازم نتجنب استخدام مكواة الشعر او مجفف الشعر، وعند الضرورة ممكن تستخدم أدوات الحرارة مرة أسبوعيا
-
تقليل عدد غسلات الشعر
لزيادة كثافة الشعر من المهم اننا نحافظ على نظافة الشعر وفي نفس الوقت نقلل عدد الغسلات عشان الشعر ميفقدش زيوته الأساسية وممكن نعمل المعادلة دي باستخدام بديل طبيعي للشامبو زي ال No Poo من The Hair Addict
-
استخدام مكونات طبيعية للعناية بالشعر
معظم أنواع الشامبو بتحتوي على انواع منظفات قاسية بتؤدي الي جفاف الشعر وتكسيره، عشان كده بننصح باستخدام شامبو خالي من الكبريتات او Sulfate-free و افضل شامبو للشعر هو Bubble Trouble shampoo لأنه طبيعي 100% و غني بخلاصة المورينجا وبروفيتامين B5 (البانثينول) فبيحافظ على ترطيب الشعر وتغذيته والتحكم في هيشانه.
-
تدليك فروة الرأس
بيؤدي الي تنشيط الدورة الدموية اللي بتحفز بصيلات الشعر، ممكن كمان نستخدم أداة زي ال GRO Brush لأنها كمان بتقلل فرص حدوث إصابات في فروة الرأس بسبب الاظافر وده ممكن يعمل إصابة في بصيلات الشعر، ويخليها ضعيفة ومعرضة للجفاف.
-
استخدام زيوت للشعر
حمامات الزيت بتتضاعف فائدتها لما بنجمع معاها تدليك للفروة او كاب حراري لأنها بتساعد علي زيادة امتصاص المواد الغذائية المهمة لنمو الشعر وزيادة كثافته. لأحسن النتائج، ممكن استخدام الوصفة الهندية اللي بتعزز نمو الشعر وبتقلل تساقط الشعر من خلال تحسين صحة فروة الرأس.
-
اختاري تسريحة تناسبك
اختاري القصة المناسبة اللي تظهر كثافة الشعر فمثلا الشعر القصير بيدي كثافة للشعر أكثر من الشعر الطويل وطبعا لازم تتأكدي من التسريحات المناسبة لشكل وشك
دي كلها طرق فعالة لزيادة كثافة الشعر ومع ذلك بننصح دائما بالرجوع لدكتور لو حسيتوا ان في تساقط غير طبيعي للشعر وعمل التحاليل اللازمة للتأكد من عدم وجود أي مشاكل صحية ممكن تكون السبب.