الفيتامينات

الأساطير اللي بتتكلم عن العناية بالنفس كتير جدًا وبتضايق فعلاً، ده غير إنها أغلب الوقت بتبقى غالية كمان، ومش بنلاقي منها النتائج المتوقعة، وعشان إحنا بنحب دايمًا نعرفكم الحقيقة، هنبدأ…

Continue Reading الفيتامينات

تسريح الشعر

كلنا كبرنا واحنا متعودين نسرح شعرنا كل يوم لأن أمهاتنا كانت بتصمم على دة، وكانت بتشوف إن لو دة ما حصلش، شكلنا هيبقى منكوش ومبهدل! عشان كدة انهاردة قررنا ندمر أسطورة…

Continue Reading تسريح الشعر

زيوت الشعر

انهاردة هندمر أسطورة جديدة مشهورة جدًا، وأكيد جربتوها قبل كدة، وهي استخدام الزيوت لترطيب الشعر الجاف.  السبب في إنها أسطورة هو أن ترطيب الشعر بييجي من المياة مش من الزيوت.  يعني ممكن طبعًا خلطات الزيوت اللي عالشعر وفروة الراس تكون بتغذيه وتطوله، لكن هي مش هترطبه أو هتمنعه من الهيشان!  بالرغم من أن الزيوت مش بترطب الشعر الجاف بطريقة سحرية، بس هي بتساعد على حفظ الترطيب الموجود في شعرك عشان تخلي الكيرلز ثابتة وقت أطول.  بننصح دايمًا بحمام الكريم مرة واحدة على الأقل في الأسبوع، واستخدام منتجات مسموح بيها في طريقة CG، وبعد كل ده ننهي التسريح بكام نقطة من زيت الشعر المفضل عندك عشان نحفظ الترطيب. احنا دايمًا بنفضل زيت بذور العنب وزيت  الجوجوبا وزيت اللوز الحلو.

Continue Reading زيوت الشعر

أطراف الشعر المقصفة

ما نقدرش ننكر أن الأطراف المقصفة هي العدو اللدود لتطويل الشعر بالنسبة لنا، كام مرة أخدتي قرار تطويل شعرك، وبعد كام شهر لقيتي الأطراف كلها مقصفة وحسيتي أن كل اللي عملتيه راح عالفاضي؟؟  وبعدين بتبدأي تدوري على علاج للأطراف المقصفة، وتلاقي منتجات كتير بتوعدك إنها تصلح الأطراف المقصفة، فهل دة ممكن؟ من الناحية الواقعية، الحل الوحيد لتقصف الأطراف هو قصها، وبعد القص لازم نحافظ على الشعر ونتعامل معاه بطريقة صحية عشان مايتقصفش تاني.  ودة معناه أن لازم نوقف الحرارة والمواد الكيميائية القاسية أو مواد فرد الشعر ودايمًا تحمي شعرك كويس قبل السباحة. بسيطة أوي صح؟  أما بقى بالنسبة للمنتجات اللي بيتم الإعلان عنها إنها بتصلح الأطراف المقصفة، فدة معناه إنها غنية بالزيوت والزبدة اللي بتقفل الأطراف وتحسن شكلها، بس دة برضو مش حل عملي، لأننا لو سبنا الأطراف مقصفة من غير قص، التقصيف هيفضل يطلع لفوق في الشعرة، يعني لو كنت في الأول محتاجة تقصي ٢ سم من شعرك وماقصيتيهاش، بعد شوية وقت الكمية هتزيد وهتضطري تقصي أكتر، ودة عكس أهداف تطويل الشعر.  لكل صاحبات الشعر الطبيعي، قولولنا في الكومنتات إزاي الاتجاه للشعر الطبيعي أنقذ أطرف شعركم !

Continue Reading أطراف الشعر المقصفة