نمو الشعر

كل ما بتواجهنا مشكلة تساقط الشعر أو أن الشعر مش بيطول، بتقابلنا نصيحة أن قص الشعر بيخليه يطول و يتقل

عشان كدة، هي دي الأسطورة اللي هنحطمها انهاردة، يلا نقرا!

أولاً، الشعر بيتكون من خلايا الكيراتين الميتة،  يعني الشعر نفسه مش واصل لأي دم أو أعصاب، فإحنا لما بنقص شعرنا، خلايا الكيراتين الميتة دي مش بتبعت أي إشارات للبصيلات عشان الشعر يطول أو يتقل أسرع.

 ثانياً، الجزء الوحيد من الشعر اللي واصل له الدم وخلاياه حية هو بصيلات الشعر، وصحة البصيلة هي اللي بتحدد سرعة نمو الشعر.

الاستنتاج من الكلام دة هو إنك لو قصيت شعرك، دة مش هيخليه يطول أسرع أو يتقل. اللي بيحصل هو أن لما الشعر بيبقى أقصر دة بيديله شكل أتقل، بس دة مجرد إحساس مش تقل أكتر للشعر من البصيلات.

 في بعض الحالات مع الناس اللي عندهم تلف قوي في الشعر، قص أطراف الشعر بتخليه ينمو بشكل أحسن.  ودة عشان لما بنسيب الأطراف المقصفة دة بيكسر الشعرة من أولها لآخرها، فبيخلينا ما نشوفش أن الشعر بيطول مع إنه بيطول فعلاً..

 شاركونا تجربة تطويل شعركم بعد قص الأطراف المقصفة معنا في التعليقات! 

Leave a Reply